ഭാവനയാകും ചിറകുകള്‍ വീശി ഞാന്‍
പാറിപ്പറക്കുന്നു ഗഗനവീഥിയില്‍
സുന്ദരസ്വപ്നമാം സ്യന്ദനമേറി ഞാന്‍
സങ്കല്‍പ‍വാനത്തിലൊഴുകുന്നു മന്ദമായ്
ഹര്‍ഷപുളകിതമാകുന്നു മാനസം
വെണ്മു‍കി‍ല്‍മാലകള്‍ക്കൊപ്പം ചരിക്കവെ
പാറിപ്പറക്കും പറവകള്‍ക്കൊപ്പമായ്
ചിറകുകള്‍ വീശി മേല്‍പ്പൊട്ടുയരവേ
മന്ദസമീരന്ണന്‍ തന്നുടെ കൈകളില്‍
ആമന്ദമാടി ഞാന്‍ ഉല്ലാസസമന്വിതം
വാനവില്ലാകും തോണിയിലേറി ഞാന്‍
മെല്ലേത്തുഴയുന്നിതംബരസാഗരേ
മത്തമയൂരം പോല്‍ പീലിവിടര്‍ത്തി ഞാന്‍
ആത്തമോദേന നര്‍ത്തനമാടുന്നു
വൈരമണികള്‍ തിളങ്ങുമാ നീരാളം
മെല്ലെ നീര്‍ത്തി പുതയ്ക്കുന്നു മാനസം.
7 comments:
ഭാവനയാകും ചിറകുകള്‍ വീശി ഞാന്‍
പാറിപ്പറക്കുന്നു ഗഗനവീഥിയില്‍
ഒഴുക്കുള്ള വരികള്‍.
അഭിനന്ദനം... തുടരുക എഴുത്ത്‌
വരികള്‍ക്കൊരു താളമുണ്ട്
ആശംസകള്‍...
നല്ല വരികള്‍
ചന്തു,രഞ്ജിത്,ലക്ഷ്മി,
പ്രോത്സാഹനത്തിനു വളരെ നന്ദി.പണ്‍ടു മുതല്‍ക്കേ ഡൈറിയില്‍ കുത്തിക്കുറിക്കുന്ന ശീലമുണ്‍ടായിരുന്നു. ഈയ്യിടെ മകള്‍ അതു കണ്‍ടെത്തി. അവളുടെ നിര്‍ബന്‍ധത്താലാണു ഈ സാഹസത്തിനു മുതിര്‍ന്നതു. തുടരാമല്ലെ?
ഒരിക്കല്‍ കൂടി നന്ദി.
Good work... Best Wishes...!
വളരെ നന്ദിയുണ്ടു, ശ്രീ സുരേഷ് കുമാര്‍
Post a Comment