Saturday, June 29, 2013

പ്രണയം.



സൌമ്യമായൊഴുകും പുഴപോൽ
സ്നേഹമയിയാം അമ്മയെപ്പോൽ
കാരുണ്ണ്യാമൃതമായ് പൊഴിയുന്നു
സ്നിഗ്ധമായൊഴുകുന്നിതെൻ പ്രണയം


കുതിച്ചാർത്തുവരും മാരിയെപ്പോൽ
കണ്ണുകൾ ചിന്നും മിന്നലൊളിപോൽ
പ്രചണ്ഡാരവമോടെ പതിക്കുന്നു
തീവ്രമാം വർഷമെന്നപോലെൻ പ്രണയം


ഉഷ്ണജ്വാലയായ് തപിപ്പിക്കും
തീഷ്ണമാം സൂര്യാതപം പോൽ
ആലസ്യത്തിൽ മയക്കും ശ്രാന്തി പോൽ
തിളക്കുന്നിതെന്നിൽ പ്രണയം


മന്ദമായ് വീശും ചെറുകാറ്റുപോൽ
ഊയലാട്ടും തളിർക്കരങ്ങൾ പോൽ
സുഗന്ധം പരത്തും വസന്തം പോൽ
മെല്ലെ പരക്കുന്നിതെന്നിൽ പ്രണയം


കോരിത്തരിപ്പിക്കും തുഷാരബിന്ദുപോൽ
ശീതം  വിതറും കുളിർമഞ്ഞു പോൽ
പട്ടുനൂലായ് പൊഴിയും ഹിമകണം പോൽ
മൂടിപ്പുതപ്പിക്കുന്നിതെൻ പ്രണയം


പ്രണയത്തിൽ മുങ്ങി പ്രണയമയിയായ്
പ്രപഞ്ചം നിറയും സ്നേഹസാഗരമായ്
പ്രണയത്തിലലിഞ്ഞലിഞ്ഞു ഞാൻ

പ്രണയസ്വരൂപമായ് തീരുന്നു ഞാൻ.


(pic courtesy: http://www.ifimages.com/photos/8iJ4E6djdeHPsNd0djEIcUNDsQA/author-519/Golden-Lemon-Kitts-Wind-Blowing.jpg)

1 comment:

P.R said...

http://raagavarnangal.blogspot.ae/2013/09/blog-post_18.html

:-)